Day044/30.03.09 : Argentina (Bariloche) -> Chile (Osorno->Pucon)

今朝按計劃由阿根廷過境智利,上車放行李時,遇著兩個唔多禮貌既妹妹,本著香港人既體面,無同佢地計較,佢地上到車重話個乘客坐左佢個位,要查人地張車票, 點知睇清楚,其實係佢地買錯明日出發既車票, 最後佢地只好垂頭喪氣"立"埋件行李返入車站



離開Barli0che, 要坐5小時巴士由阿根廷過境智利湖區Osorno,點知到左關卡全車行李要搬出黎過X光, 包括所有手提行李,為防的是-新鮮水果唔可以帶入境??? 真係苦了司機及工作人員

到左Osorno 車站, 等侯大約2個小時, 接駁到Pucon 既巴士卒之來到, 架巴士好新好舒服,又要經3小時車程先到目的地啦 !

(註 : 智利較阿根廷快1小時)



等開車之際,見到剛剛坐係我附近傻下傻下既以色列"兆尊",佢好徬徨不知所措,打探之下原來佢好似我咁,由 Barlioche 經Ornoso 到Pucon,但係佢手上張車票係由Barlioche, Ornoso 來回, 咁佢又即係無得留低 ? 今次佢較為幸運, 因為架車有空位,而智利"林海鋒"又較為仁慈, 所以佢可以留低,不過就要做清道夫, 每次到站有人上車佢就要走位囉 !




















去Pucon架巴士好新好好坐,所以我都瞓得好甜,忽然間聽到倒泥頭聲,原來隔離行塊玻璃爆左,幸好只係坐係附近既男老外額頭輕微割傷,其他人無受傷,老外重風趣咁將傷口拍照留念,認真攪野 ! 跟著巴士駛返附近車廠換左另一架較舊既巴士繼續行程, 差不多8點多巴士方到目的地