2009年4月5日 星期日

Day050/05.04.09 - Chile (Pucon)

今日又係最熟悉既活動 ........落大雨.......
今晚會坐9:00夜車上聖地牙哥, 諗好哂d節目, 準備去玩 Canopy (即係係樹頂拉繩索, 好似人地吊wire 由一邊吊到另一邊個d ) , 然後去隔離個鎮Vaillaricca行下架嗎, 點點又係橫風橫雨, 最後都係留番係hostel 發 mould, 今朝重要無電, 連網都上唔到 !

好啦 ! 解釋番點解條橋仔會係路邊啦 ! 今朝我出去買早餐既時候, 我明白啦 ! 因為佢地d 雨水太多, d積水好闊,d行人好難行上路駁, 所以落雨既時候, 路邊就會有d橋仔出現架啦 !

聽朝7:00會到達聖地牙哥, 希望唔好再落雨啦 ! 係湖區一半既時間都落雨, 好唔方便又唔可以見到個靘火山.....:(

Day049/04.04.09 - Chile (Pucon)

落左兩日雨, 見今日停左雨,拿拿出去搵野玩,
經過馬路邊見到前兩日係火山石灘條木橋係到, 真奇怪 !!
(兩日之後, 我知點解啦 ! 睇落去就知啦 !)

活動未開始, 即刻襯機會行下手工藝市場
, 有得睇,無得買, 要忍手,真可惜 !! (頭段唔可以買手信, 唔係棧玩死自己)



Pucon d 手工藝好多係木藝品, 各式各樣都有

其次係d顏色繽紛既織物, 見到佢地d針織好吸引,真係好想買番件

重有d好有民族色彩既銀器


呢係成日係木製品見到既公仔,係湖邊都有一個, 幾前衛,幾stylish! :)


呢個可能係佢既女朋友掛 !


個天色真係好差, 第三日開始已經再見唔到個火山啦 ! 日日都俾d雲遮住左 !
個天克哂,好似火山爆發咁, 好驚呀 !


係超市見到珠江橋牌, 好有衝動想買番支, 呢度d鹽落多多都無味既 !
只要加一,兩滴我國既發明當堂唔同哂啦 !

琴日見到罐頭海鮮, 心心不忿好想試下, 就豪一餐買一罐試下啦 ! 點知..............
我寧願食香港d罐頭沙旬魚啦 ... :(

Pucon 呢度真係好多活動架, 唔怕悶,最緊要有錢有體力,同時間
(因為呢度成日落雨,d活動唔係日日開得成, 有時望天打掛架 !)


我今日既活動就係.................. (沿途風景唔錯呀!)

無錯, 係激流旅程Rafting III, 即係中等難度, 上次係尼泊爾玩過,好刺激, 今次再Encore
Rafting III, 14,000P/person (HKD199) 4hours (incl 1.5hr for rafting)
Rafting IV, 23,000P/person (HKD326)
- 今次俾我誤打誤撞慳番8,000p, 因為搵到間代辦agent, 反而俾主辦單位平咁多 !
- 其實呢個價錢都幾抵玩, 因為我地8個人, 開兩隻艇,每隻坐四個客連一個guide, 跟住重有個safety guard 扒獨木舟全程跟住, 有一個司機, 一個camera men, 都幾大陣象架 !!
Safety guard 講緊d安全守則


沿途好刺激, 好好玩, 比上次更難度, 落左兩日雨d水位漲哂, 同船個英國妹重被 guide 整蠱, 跌左落河,不過好安全既, 佢地見d水慢d先玩你既,
係上面個張相, 個位坐落太大, 唔可以玩,我地要沿河行,而d guide 就幫我地沿河吊d艇過去

d 水係咪好洶湧呢, 咪就係呢個位太勁唔可以過囉 !

玩完之後, d 器材擺哂係到啦吹乾, 我地就係度食餅乾同飲汽水補充體力囉 !
(不過1.5小時真係唔夠候, 可以玩耐d重好呀 !)

註 : 之前咪講過有個camera men 神出鬼沒咁同我地影相既, 其實佢真係影得唔錯, 我本來都好想幫襯買張cd既, 重記得我既團費嗎, 係14,000P/person, 但張cd竟然賣10,000p,如果我幫襯佢,之前賺左個d咪嘔突, 我當然無咁笨啦 ! :) 所以咪得以上幾張搏命之作囉 ! 為保我架相機, 個 guide 要我地跳船, 我都無理佢呀 !